काठमाडौं। पछिल्लो २४ घण्टामा कोरोना सङ्क्रमणबाट ६८ जनाको मृत्यु भएको स्वास्थ्य तथा जनसंख्या मन्त्रालयले जनाएको छ। मन्त्रालयको अनुसार यो सँगै कोरोना सङंक्रमबाट नेपालमा ज्यान गुमाउनेको संख्या ७ हजार ४५४ जना पुगेका छन्।
मन्त्रालयका अनुसार पछिल्लो २४ घण्टामा ६ हजार ०८५ जना नयाँ संङ्क्रमित थपिएका छन्। २० हजार १६५ जनामा गरिएको पिसिआर तथा एन्टिजेन परीक्षणमा उक्त सङ्क्रमित फेला परेका हुन्। यो सँगै नेपालमा कोरोना सङंक्रमितको संख्या ५ लाख ६६ हजार ५८७ जना पुगेको छ। हाल १ लाख ४ हजार ७८९ जना सक्रिय सङ्क्रमित रहेका छन्।
पछिल्लो २४ घण्टामा ६ हजार ८९८ जना सङ्क्रमित निको भएको मन्त्रालयले जनाएको छ। नेपालमा कोरोना सङंक्रमित निको हनुे दर ८०.२ प्रतिशत रहेको छ।
