काठमाण्डौं । रौतहटमा भएकोसवारी दुर्घटनामा ५ जनाको मृत्यु भएको छ ।
गरुडा नगरपालिका वडा नं १ स्थित जयनगर सडक खण्डमा भारतीय सवारी दुर्घटना हुँदा ५ जनाको मृत्यु भएको हो । घटनामा अन्य तीन जना घाइते भएका छन् । मृतकको सनाखत हुन बाँकी रहेको प्रहरीले जनाएको छ । गौरबाट गरुडातर्फ आउँदै गरेको बिआर०५ पिए ६९५३ को भारतीय नम्बर प्लेटको स्करपियो आजअपरान्ह सवा ४ बजे सडकबाट झण्डै २० फिट तल खस्दा ५ जनाको मृत्यु भएको हो ।
दुर्घटनामा घाइते भएका पाँचै जनाको उपचारको क्रममा मृत्यु भएकोजिल्ला प्रहरीका डिएसपी सुनील मल्लले जानकारी दिनुभयो । मृतक सबै भारतीय नागरिक हुन सक्ने प्रहरीको अनुमान छ ।जीप अनियन्त्रित भई सडकबाट तल खसेको प्रहरीले जनाएको छ । प्रहरीका अनुसार घाइते ३ जनाको स्थानीय अस्पतालमा उपचार भइरहेको छ ।
