काठमाडौं। नयाँ भेरिएन्ट सहितको कोभिड १९ सङ्क्रमणबाट नेपालमा पछिल्लो २४ घण्टामा १३९ जनाको ज्यान गएको स्वास्थ्य तथा जनसंख्या मन्त्रालयले जनाएको छ। यो कोरोना सङ्क्रमणका कारण ज्यान गुमाउनेको संख्या हालसम्मकै उच्च हो।
त्यस्तै पछिल्लो २४ घण्टामा ९ हजार २७१ जना नयाँ सङ्क्रमित थिपएका छन्। आज ४ हजार ७ जना सङ्क्रमित निको भएर घर फर्किएको मन्त्रालयले जनाएको छ।
मन्त्रालयका अनुसार नेपालमा कोरोना जितेर घर फर्किनेको संख्या ३ लाख ६ हजार ७९४ पुगेको छ।
नेपालमा कूल सङ्क्रमितको संख्या ४ लाख ३ हजार ७९४ रहेको छ भने कोरोना सङ्क्रमणबाट मृत्यु हुनेको संख्या ३ हजार ८५९ पुगेको मन्त्रालयले जनाएको छ।
