सिन्धुली। विश्वभर महामारीको रुपमा फैलिएको कोरोना भाइरसबाट सिन्धुली जिल्लभर ४ सय २५ जना सङ्क्रमित भएको सहायक प्रमुख जिल्ला अधिकारी ऋद्धि प्रकाश सिटौलाले जनाएका छन्। जिल्लाभर हालसम्म ४ हजार ४ सय ६३ जनामा पिसिआर बिधिबाट गरिएको परीक्षणमा उक्त सङ्क्रमित फेला परेको जनाएका हुन्।
बिहीबार एक सूचना जारी गर्दै जिल्ला प्रशासन कार्यालयले हालसम्म ३ सय ६७ जना सङ्क्रमितले कोरोना जितेको बताएको छ। हाल ५४ जना आइसोलेसनमा रहेको र आज २७ जनाको स्वाब सङ्कलन भएको सूचनामा उल्लेख छ।
कोरोना सङ्क्रमणका कारण जिल्लामा ४ जनाले ज्यान गुमाइ सकेका छन्।
