२० पौष, दोलखा । दोलखा जिल्लाभर आज थप ६ जनामा कोरोना संक्रमण पुष्टि भएको छ ।
जिल्लाका आज तीन पुरुष र तीन महिला गरी ६ जनामा संक्रमण पुष्टि भएको हो । आज संक्रमित हुने सबै भीमेश्वर नगरपालिकाका रहेका छन् । यो सँगै जिल्लामा कोरोना संक्रमितको संख्या ३ सय ४७ पुगेको छ । संक्रमितमध्य हालसम्म ३ सय १७ जना निको भएका छन् भने अब जिल्लामा २९ जना सक्रिय कोरोना संक्रमित रहेको जिल्ला स्वास्थ्य कार्यालय दोलखाका प्रमुख विभुकुमार झाले जानकारी दिनुभयो ।
