काठमाडौं। उज्वेकिस्तानलाई हराउँदै नेपाली महिला टोली एभीसी सेन्ट्रल जोन भलिबलको फाइलनमा पुगेको छ । बङ्गलादेशको ढाकामा आइतबार (आज) भएको खेलमा नेपालले उज्वेकिस्तानलाई हराउँदै फाइनल प्रवेश गरेको हो।
फाइनल यात्रा तय गर्न नेपालले लगातार चौथो खेल जितेको छ। सोही क्रममा नेपाली महिला टोलीले आज उज्वेकिस्तानलाई तीन–शून्यको सोझो सेटमा हरायो । नेपालले उज्वेकिस्तानलाई २५–२०, २५–२३ र २५–१४ को सेटमा हराएको हो।
नेपालले यसअघि श्रीलङ्का, माल्दिभ्स र बङ्गलादेशलाई हराएको थियो । नेपालले समूह चरणको अन्तिम खेल भोली किर्गिस्तानसँग खेल्नेछ। नेपाली महिला टोली एभीसी सेन्ट्रल जोन भलिबलको गएकाे संस्करणको विजेता पनि हो ।
