रामेछाप। यु आर वाईसियन कप २०२१ मा युनाइटेड रस्नालु युथ क्लब आयोजक ए ले उपाधी हात पारेको छ। रामेछापको गोकुलगंगा गाउँपालिकामा आज भएको फाइनल खेलमा भुजी हातेमालो समाज बि याच यामलाई १-० गोलले हराउँदै उपाधी हात पारेको हो।
खेलको पहिलो हाफको ११औँ मिनेटमा युनाइटेडमा खेलाडी शंकर सुनुवारले निर्णायक गोल गरेका थिए । जितसँगै युनाइटेडले २० हजार नगद ट्रफि मेडल र प्रमाणपत्र प्राप्त गरेको छ । अपराजित भुजी हातेमालो समाजले १० हजार नगद मेडल र प्रमाणपत्र प्राप्त गरेको छ। शुक्रबारदेखी सुरु भएको यु आर वाइसियन कपको आज फाइनल भएको हो । खेलमा ११ टिम सहभागी भएका थिए ।
