फाइल तस्बिर ।
इलाम । रोङ गाउँपालिका वडा नं. ४ मा महिला नकआउट फुटबल हुने भएको छ । तिहारको अवसरमा रोङ गाउँपालिकाको वडा नं. ४ मा पर्ने मानबुङमा कात्तिक २८ गतेदेखि ३० गतेसम्म तीन दिने महिला फुटबल प्रतियोगिता हुन लागेको हो ।
नेपालमा विशेष चाडपर्वको अवसरमा विभिन्न खेलकुद गतिविधिहरु हुने गरेको छ । कोभिड-१९ को संक्रमण जोखिमको कारण धेरै खेलकुद गतिविधिहरु रोकिए पनि रोङमा भने स्वास्थ्य मापदण्डलाई ध्यानमा राख्दै खेल हुना लागेको हो ।
प्रतियोगितामा १० टिमले सहभागिता जनाउने मानाबुङ स्टार युनियनका अध्यक्षले बताए । मानाबुङको स्थनीय खेल मैदानमा हुने प्रतियोगितामा बडाहरे, मानाबुङ, कुट्टीडाँडा, खर्कगाउँ, नाखोपा, तितुङ्गे, कुवापानी, जौवारी र कौशेटारका महिला टिमहरु समावेश हुने बताइएको छ । प्रतियोगिताको विजेताले नगद १५ हजार र उपविजेताले १० हजार पाउने अध्यक्षले बताए ।
