काठमाडौं। सीसीएसीको सिफारिसमा सरकारले कोभिड १९ सङ्क्रम रोकथामका लागि सोमबार मध्यरात देखि सबै आन्तरिक हवाई उडान बन्द गर्ने निर्णय गरेको छ। सरकारले आन्तरिक सहित अन्तर्राष्ट्रिय उडान तर्फ भारत, ब्राजिल र अफ्रिकाबाट हुने उडान समेत बन्द गर्ने निर्णय गरेको छ।
कोभिड सङ्क्रमण रोकथाम निर्देशक समिति (सिसिएमसी) को सिफारिसमा आन्तरिक र बाह्य उडान बन्द गर्ने निर्णय गरेको हो। अन्य अन्तर्राष्ट्रिय उडानहरू भने स्वास्थ्य सुरक्षा मापदण्ड कायम गरी सञ्चालन गर्ने सरकारले निर्णय गरेको छ।
