काठमाडौं। नेपालमा पछिल्लो २४ घण्टामा कोरोना सङ्क्रमितको संख्या ५ हजार ७ सय ६३ थपिएको स्वास्थ्य तथा जनसंख्या मन्त्रालयले जनाएको छ। मन्त्रालयका अनुसार १४ हजार ९ सय ६९ जनाको स्वाब परिक्षण गर्दा ति सङ्क्रमित फेला परेका हुन्।
पछिल्लो २४ घण्टामा थपिएको सङ्क्रमितसँगै नेपालमा सक्रिय संक्रमितको संख्या ४३ हजार २१३ पुगेको मन्त्रालयले जनाएको छ। त्यस्तै, पछिल्लो २४ घण्टामा १९ जना कोरोना सङ्क्रमितको ज्यान गएको मन्त्रालयले जनाएको छ।
