सिन्धुलीमाढी। कमलामाई नगरपालिका वडा नं. २ विपी राजमार्ग सडक खण्डको चियाबारीमा बोलेरो दुर्घटना हुँदा दुई जनाको मृत्यु भएको छ। बिहिबार बिहान सिन्धुली जिल्लालको गोलञ्जोर गाउँपालिका वडा नं ६ नाकाजोलीबाट सिन्धुली सदरमुकाम आउँदै गरेको डबल क्याब बोलेरो दुर्घटना हुँदा दुई जनाको मृत्यु भएको हो ।
ट्राफिक कार्यालय सिन्धुलीका अनुसार बिहिबार बिहान ०९:२२ बजेको समयमा जिल्ला सिन्धुली कमलामाई न.पा.वडा नं.२ चियाबारी नजिक बि.पि.राजमार्गमा जिल्ला सिन्धुली गोलोन्जोर गा.पा. वडा नं. ६ नाकाजोलीबाट सिन्धुली तर्फ आउदै गरेको बा २० च ८२८३ नम्बरको सेतो बोलेरो गाडी आफै अनियन्त्रित भई सडकमै दुर्घटना भएको थियो।
दुर्घटनामा परी जिल्ला सिन्धुली गोलान्जोर गा.पा.वडा न-६ नाकाजोली बस्ने बर्ष ४२ को पृथ्वी भुजेल र सोही ठेगाना बस्ने ४५ वर्षिया उदय लुङ्गेली मगरको मृत्यु भएको हो। दुर्घटनामा परी अन्य १२ जना घाईते भएका छन् भने घाईते मध्ये ३ (तीन) जनाको अवस्था गम्भिर रहेको प्रहरीले जनाएको छ। घाईतेहरूमध्ये गम्भिर अवस्थाका घाईतेरहूलाई धुलीखेल अस्पताल पठाईएको ट्राफिक प्रहरीले जनाएको छ।
