काठमाडौं। सन् २०२२ को फेब्रुअरी एकै महिनामा २० हजार पर्यटकले नेपाल भ्रमण गरेको नेपाल पर्यटन बोर्डले जनाएको छ। बोर्डका अनुसार यस महिनामा हवाई मार्ग हुँदै १९ हजार ७ सय ६६ पर्यटक नेपाल भित्रिएका हुन् ।
बोर्डका अनुसार फेब्रुअरीमा सबैभन्दा बढी भारतीय पर्यटकले नेपाल भ्रमण गरेका छन्। भारतबाट ६ हजार, अमेरिकाबाट ३ हजार १ सय ९५, बेलायतबाट २ हजार २ सय १७, अष्ट्रेलियाबाट १ हजार ५२ विदेशी नागरिकले नेपाल भ्रमण गरेका हुन् । सन् २०२१ को सोही अवधिमा ९ हजार १ सय ४६ र सन् २०२० मा ९८ हजारले नेपाल भ्रमण गरेका थिए। सन् २०२२ देखि भने पर्यटक आगमनमा सुधार हुँदै आएको छ। सन् २०२२ को जनवरीमा विभिन्न देशबाट करिब १७ हजार पर्यटक घुम्नका लागि नेपाल आएका थिए।
