काठमाडौं- शहीद स्मारक ए डिभिजन लिगमा आजबाट ११औं चरणका दुई खेल सुरु हुँदैछन्। यो चरणको पहिलो दिन हुने दुवै खेल दिउँसो १ बजेबाट सुरु हुने छन्। त्रिपुरेश्वरस्थित दशरथ रंगशालामा हुने खेलमा रेलिगेसन क्षेत्रका ब्रिगेड ब्वाइज र च्यासल युथ क्लबले प्रतिस्पर्धा गर्ने छन्।
दुवै टोली जित निकाल्दै रेलिगेसन क्षेत्रबाट बाहिर निस्कने लक्ष्यका साथ मैदान उत्रिने छन्। १० खेलबाट ब्रिगेड ६ अंकका साथ १३औं तथा च्यासल पाँच अंक जोडेर अन्तिममा छन्। सातदोबाटोस्थित एन्फा कम्प्लेक्समा हुने अर्को खेलमा जावलाखेल युथ क्लब र फ्रेन्ड्स क्लब आमनेसामने हुनेछन्।
दुवै टोलीलाई रेलिगेसन खतरा कम गर्न यो खेल जित्नैपर्ने दबाब छ। समान १० खेलबाट नौ अंकका साथ जावलाखेल ११औं स्थानमा रहँदा फ्रेन्ड्स ६ अंक जोडेर १२औं स्थानमा छ।
