काठमाडौं। नेपालमा पछिल्लो २४ घण्टामा ५ हजार २९२ नयाँ कोरोना सङ्क्रमित थपिएको स्वास्थ्य तथा जनसंख्या मन्त्रालयले जनाएको छ। मन्त्रालयका अनुसार १६ हजार ८८ जनामा गरिएको परीक्षणमा ती सङ्क्रमित थपिएका हुन्।
मन्त्रालयका अनुसार पछिल्लो २४ घण्टामा कोरोना सङ्क्रमणका कारण ८ जनाले ज्यान गुमाएका छन्। नेपालमा आज ८ हजार १९१ जनाले कोरोना जितेर निको भएका छन्। हाल नेपालमा ७९ हजार २७२ जना सक्रिय सङ्क्रमित रहेको मन्त्रालयले जनाएको छ।
त्यस्तै पछिल्लो २४ घण्टामा नेपालमा ३ लाख ६६ हजार ३ डोज खोप लगाईएको मन्त्रालयले जनाएको छ।
