काठमाडौँ । पछिल्लो २४ घण्टामा नेपालमा ३ हजार ५४० कोरोना संक्रमित थपिएका छन् ।
स्वास्थ्य तथा जनसंख्या मन्त्रालयले २४ घण्टामा एन्टिजेन र पीसीआर विधिबाट १३ हजार १४५ परीक्षण हुँदा ३ हजार ५४० जना संक्रमित थपिएको आइतबार जानकारी दिएको हो ।
९ हजार ९१० पीसीआर परीक्षण गर्दा ३ हजार ४९ मा संक्रमण पुष्टि भएको र ३ हजार २३५ मा एन्टिजेन परीक्षण हुँदा ४९१ मा पोजिटिभ देखिएको छ । २४ घण्टामा निको हुनेको संख्या भने ६ हजार ३५९ रहेको मन्त्रालयको तथ्यांकमा उल्लेख छ ।
देशभर संक्रिय संक्रमितको संख्या ८३ हजार ९९९ रहेको छ ।
