काठमाडौं। नेपालमा पछिल्लो २४ घण्टामा ६ हजार ८ सय २७ जनामा कोरोना सङ्क्रमण पुष्टि भएको छ। स्वास्थ्य तथा जनसंख्या मन्त्रालयका अनुसार १९ हजार ८ सय ६९ जनामा गरिएको परीक्षणमा उक्त सङ्क्रमित फेला परेका हुन्।
त्यस्तो कोरोना सङ्क्रमणबाट पछिल्लो २४ घण्टामा १० जनाको ज्यान गएको मन्त्रालयले जनाएको छ। हाल नेपालमा ८९ हजार ९४१ जना सक्रिय सङ्क्रमित रहेका छन्। पछिल्लो २४ घण्टामा ५ हजार ४ सय ३२ सङ्क्रमितले कोरोना जितेर निको भएको मन्त्रालयले जनाएको छ।
