काठमाडौं। नेपालमा पछिल्लो २४ घण्टामा ६ हजार ४ सय ६२ जनामा कोभिड सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ। मन्त्रालयका अनुसार १७ हजार ४ सय ३७ जनामा परिक्षण गर्दा ति सङ्क्रमितहरू थपिएका हुन्।
त्यस्तै कोभिड सङ्क्रमणका कारण पछिल्लो २४ घण्टामा ४ जनाको मृत्यु भएको छ। नेपालमा हाल ७७ हजार ४० जना सक्रिय सङ्क्रमित रहेका छन् भने। आज १ हजार ४१६ जनाले कोभिड जितेर निको भई घर फर्केका छन्।
