काठमाडौं। नेपालको पछिल्लो २४ घण्टामा कोरोना सङ्क्रमितको संख्या १० हजार ७ सय ३ जना थपिएका छन्। स्वास्थ्य तथा जनसंख्या मन्त्रालयका अनुसार २३ हजार ९२ जनामा गरिएको परिक्षणमा ती सङ्क्रमित भएका हुन्।
मन्त्रालयका अनुसार पछिल्लो २४ घण्टामा ७ सय ६६ जना कोरोना सङ्क्रमित निको भएका छन्। त्यस्तै कोरोना सङ्क्रमणका कारण नेपालमा ३ जनाको मृत्यु भएको छ।
हाल नेपालमा सक्रिय सङ्क्रमितको संख्या ६५ हजार ३ सय ७४ जना पुगेको मन्त्रालयले जनाएको छ।
नेपालमा कोरोना सङ्क्रम बृद्धि भएसँगै उपत्यकामा आज रातिबाट सवारी साधन जोरबिजोर प्रणाली अनुसार सञ्चालन गर्ने भएको छ।
