काठमाडौं । नेपालमा पछिल्लो २४ घण्टामा थप १२ हजार ३३८ जनामा कोरोना संक्रमण पुष्टि भएको छ। स्वास्थ्य मन्त्रालयले दिएकाे जानकारी अनुसा यो एकैदिन संक्रमण पुष्टि भएको हालसम्मकै सबभन्दा धेरै संक्रिमत संख्या हो।
मन्त्रालयका अनुसार २१ हजार ७ जनाको पीसीआर टेष्ट गर्दा १० हजार ५२ तथा ६ हजार ४९० नमुनाको एन्टीजेन टेष्ट गर्दा २ हजार २८६ जना गरी १२ हजार ३३८ जनामा कोरोना संक्रमण पुष्टि भएको हो।
पछिल्लो २४ घन्टामा कोरोना संक्रमणबाट ४ जनाले ज्यान गुमाएका छन्।
यस्तै, ६४९ जना संक्रमित काेराेनामुक्त भएकाे मन्त्रालयले जनाएकाे छ ।
पछिल्लाे २४ घण्टामा काठमाडौं उपत्यकामा झण्डै ७ हजारमा कोरोना संक्रमण पुष्टि भएकाे छ ।
आज (बिहीवार) उपत्यकामा ६ हजार ९ सय ८१ जनामा कोरोना संक्रमण पुष्टि भएको हो ।
स्वास्थ्य मन्त्रालयका अनुसार काठमाडौंमा ५ हजार एक जनामा संक्रमण पुष्टि भएकाे छ । त्यस्तै, ललितपुरमा १ हजार १३० र भक्तपुरमा ८५० जनामा कोरोना संक्रमण देखिएको छ।
