ग्वालटार। नेपाल रेडक्रस सोसाइटी ग्वालटार उपशाखाको प्रथम साधारण सभा सम्पन्न भएको छ। सिन्धुली जिल्लागको गोलन्जोर गाउँपालिका स्थित मंगलबार एक कार्यक्रमबीच साधारणसभा सम्पन्न भएको हो।
कार्यक्रममा नेपाल रेडक्रस सोसाइटी जिल्ला शाखा सिन्धुलीका सभापति अशोक श्रेष्ठको प्रमुख आतिथ्यता तथा गोलन्जोर गाउँपालिका वडा नं. -३, अध्यक्ष तथा आजीवन सदस्य पुस्कर बरालको अध्यक्षतामा सम्पन्न भएको छ।
साधारण सभाले ११ सदस्यीय कार्यसमिति समेत गठन गरेको छ। सभाले ग्वालटार उपशाखाको सभापतिमा ओम कुमार कार्की(गौरव), जुनु केसी उपसभापति, दिपक थापा सचिव, कल्याण कार्की उपसचिव, सरोज पोख्रेल कोषाध्यक्ष, अनिता भण्डारी उपकोषाध्यक्ष, महिला सदस्यमा रञ्जना ढुङ्गेल तथा सदस्यहरूमा अमृत बहादुर सार्की, चित्र बहादुर बयलकोटी, नर बहादुर बलम्पाकी, सिताराम कार्की लगायतका रहेका छन्।
