काठमाण्डौं । नेपालमा कोरोना भाइरसका सक्रिय सङ्क्रमितको संख्या ६ हजारभन्दा तल झरेको छ ।
पछिल्लो २४ घण्टामा ३ सय ३७ जना निको भएसँगै सक्रिय सङ्क्रमितको संख्या ५ हजार ९ सय ९७ जनामा झरेको स्वास्थ्य मन्त्रालयले जनाएको छ । हालसम्म नेपालमा ८ लाख ६ हजार दुई सय २३ जना कोरोना सङ्क्रमित निको भइसकेका छन् । यस्तै, पछिल्लो २४ घण्टामा पीसीआर र एन्टिजेन गरी १० हजार चार सय ८७ जनाको नमुना परीक्षण गर्दा २ दशमलव ४६ प्रतिशत अर्थात् २ सय ५९ जनामा कोरोना सङ्क्रमण पुष्टि भएको छ । यस्तै, थप ३ जनाले कोरोना संक्रमितको मृत्यु भएका छ ।
हालसम्म नेपालमा कोरोना सङ्क्रमणबाट ज्यान गुमाउनेको संख्या ११ हजार ५ सय ५२ पुगेको छ । यस्ते, पछिल्लो २४ घण्टामा ३ लाख २९ हजार तीन सय २१ जनाले कोरोनाविरुद्धको खोप लगाएका छन् । हालसम्म नेपालमा कोरोनाविरुद्धको खोपको कम्तीमा एक मात्रा लगाउनेको संख्या १ करोड १० लाख ६६ हजार ४ सय ६४ पुगेको छ । जसमध्ये ९१ लाख ६८ हजार ३ सय ५८ जनाले पूर्ण मात्रा खोप लगाएका छन् ।००००
