राष्ट्रपति द्वारा यौन हिंसाविरुद्धका ऐन तथा फौजदारी कसूर कार्यविधि संशोधन सम्बन्धी दुई अध्यादेश जारी
काठमाडौं। राष्ट्रपति विद्यादेवी भण्डारीले विभिन्न छ वटा अध्यादेश जारी गरेकी छन्। बुधबार राष्ट्रपति भण्डारीले यौन हिंसाविरुद्धका ऐन र फौजदारी कसूर तथा फौजदारी कार्यविधि ऐन सम्बन्धी पहिलो संशोधन गर्ने अध्यादेश जारी गर्नु भएको हो।
नेपालको संविधानको धारा ११४ अनुसार मन्त्रिपरिषद्को सिफारिसमा उनले यौन हिंसाविरुद्धका केही ऐनलाई संशोधन गर्ने अध्यादेश–२०७८, फौजदारी कसूर तथा फौजदारी कार्यविधिसम्बन्धी केही ऐनलाई संशोधन गर्ने अध्यादेश–२०७८, नेपाल प्रहरी र प्रदेश प्रहरी (कार्य सञ्चालन, सुपरीवेक्षण र समन्वय) (पहिलो संशोधन) अध्यादेश–२०७८, तेजाब तथा अन्य घातक रासायनिक पदार्थ (नियमन)अध्यादेश–२०७८, सामाजिक सुरक्षा (पहिलो संशोधन) अध्यादेश–२०७८ र रेल्वे अध्यादेश–२०७८ जारी गरेकी हुन् ।
