काठमाडौं । म्याग्दीकी १८ वर्षीया सपना रोका मगर ब्रिटिस ब्रोडकास्टिङ् कर्पोरेसन (बिबिसी) ले तयार पारेको सन् २०२० का प्रभावशाली १०० जना महिलाहरुको सूचीमा परेकी छन् ।बिबिसीले मंगलबार सार्वजनिक गरेको #BBC100Women मा बेवारिसे शव व्यवस्थापनमा खटिएकी म्याग्दीकी सपना रोका मगरको पनि नाम सूचीकृत गरेको हो ।
बीबीसीले हरेक वर्ष संसारभरका एक सय प्रभावशाली महिलाहरुको सूची तयार गर्ने गर्दछ । यसै क्रममा सन् २०२० का लागि संसारभरीका १०० प्रभावशाली महिलाको आफ्नो सूची तयार गरी सार्वजनिक गर्ने क्रममा सपना रोका मगरको नाम समावेश भएको पाईएको हो ।
