काठमाडौं । संघीय मामिला तथा सामान्य प्रशासन मन्त्रालयले कर्मचारी सरुवाको लागि निवेदन अनलाईन मार्फत नै दिन सक्ने व्यवस्था मिलाएको छ ।
मन्त्रालयले शुक्रबार सूचना जारी गर्दै सरुवा/काज/कामकाजका लागि online system बाट निवेदन संकलन गर्ने जनाएको हो । निजामती कर्चारीहरुको व्यवस्थापनको लागि मन्त्रालयमै पुगेर निवेदन दिनुपर्ने झन्झटिलो प्रक्रियालाई सहज बनाउन मन्त्रालयले सरुवा, काज, कामकाज तथा पदस्थापनाको लागि अनलाईन मार्फत निवेदन लिने कार्यको थालनी गरेको मन्त्रालयले सूचना मार्फत जनाएको छ ।
सरुवा हुन चाहन इच्छुक निजामती कर्चारीहरुले मन्त्रालयलको वेबसाईट saruwa.mofaga.gov.np मा गई Software ले माग गरे अनुसारको विवरण भरेर निवेदन दिने व्यवस्था मिलाएको छ । यसरी व्यवस्थापन गरेको Software ले राष्ट्रिय किताबखाना (निजामती) मा रहेको वैयक्तिक विवरणको आधारमा कार्य सम्पादन गर्ने भएकोले कर्चारीले आफ्नो विवरण अध्यावधिक गर्न समेत सूचनामा उल्लेख गरेको छ ।
सूचना हेर्नुहोस्:
