सिन्धुलीमा पछिल्लो २४ घण्टामा २५ जना नयाँ कोरोना सङ्क्रमित थपिएका छन्। पछिल्लो २४ घण्टामा १ सय ६ जनामा गरिएको परीक्षणमा ति सङ्क्रमितहरूको पहिचान भएको स्वास्थ्य कार्यालय सिन्धुलीले जनाएको छ।
सिन्धुली जिल्लाभर नयाँ भेरिएन्ट सहितको कोरोनाको दोस्रो लहर फैलिएसँगै सङ्क्रमित हुनेको संख्या २ हजार २ सय ५७ पुगेको स्वास्थ्य कार्यालय सिन्धुलीले जनाएको छ। जिल्लामा हालसम्म कूल ३ हजार ४ सय ९९ जनाको पिसिआर विधिबाट र १ हजार ८ सय ६६ जनाको एन्टिजेन विधीबाट परीक्षण गरिएको छ। पिसीआर विधीबाट गरिएको परीक्षणमा १ हाजर ७५६ जना र एन्टिजेन विधीबाट गरिएको परीक्षणमा ५०६ जना सङ्क्रमितको पहिचान भएको हो।
हाल जिल्लामा ४२७ जना सक्रिय सङ्क्रमित रहेका छन् भने सङ्क्रमितमध्ये १९ जना संस्थागत आइसोलेसनमा उपचाररत रहेको र बाँकी ४ सय ८ जना होम क्वारेन्टानइनमा रहेको स्वास्थ्य कार्यालयले जनाएको छ।
