काठमाण्डौ । नेपालमा कोरोना विरुद्धको खोप लगाउनेको संख्या एक करोड नाघेको छ ।
स्वास्थ्य तथा जनसंख्या मन्त्रालयका अनुसार कोरोना विरुद्धको खोपको कम्तीमा पहिलो मात्रा लगाउनेको संख्या १ करोड ३० हजार ४ सय ८ जना पुगेको हो । आज २ लाख २७ हजार जनाले खोप लगाएको मन्त्रालयले जनाएको छ । यसैबीच, यसैबीच, नेपालमा थप ३ सय १६ जनामा कोभिड–१९ संक्रमण पुष्टि भएको छ ।
पछिल्लो २४ घण्टामा १२ हजार सात सय २७ जनाको नमुना परीक्षण गर्दा २ दशमलव ४८ प्रतिशत अर्थात् ३ सय १६ जनामा संक्रमण पुष्टि भएको हो । यस्तै पछिल्लो २४ घण्टामा थप २ सय ५९ जना कोरोनामुक्त भएका छन भने ३ जना कोरोना संक्रमितको मृत्यु भएको छ ।
कोरोना संक्रमणका कारण हालसम्म ११ हजार ५ सय २९ जनाको मृत्यु भएको छ । ८ लाख ३ हजार १ सय ६८ जना कोरोनामुक्त भएका छन । हा मुलुकभर ६ हजार ९ सय ५४ जना सक्रिय सङ्क्रमित रहेको मन्त्रालयले जनाएको छ ।००००
