काठमाण्डौं । नेपालमा थप १ हजार ४ सय ७८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ११ हजार ७६ पीसीआर २ हजार ८ सय ६३ एन्टिजेन परीक्षण गर्दा कुल १ हजार ४ सय ७८ जनामा कोरोना संक्रमण पुष्टि भएको हो । हालसम्म नेपालमा कोरोना संक्रमितको कुल संख्या ७ लाख ८७ हजार ८ सय २८ पुगेको छ । यस्तै, पछिल्लो २४ घण्टामा १ हजार ६ सय ३० जना कोरोनामुक्त भएका छन । हालसम्म ७ लाख ५५ हजार ६ सय ३० जना संक्रमणमुक्त भएका छन् ।
यस्तै, पछिल्लो २४ घण्टामा ६ जना कोरोना संक्रमितको मृत्यु भएको छ । योसँगै नेपालमा कोरोना संक्रमणका कारण मृत्यु हुनेको संख्या ११ हजार ५९ पुगेको छ । हाल देशभर सक्रिय संक्रमितको संख्या २१ हजार १ सय ३९ रहेको छ । जसमध्ये १९ हजार ८ सय ५ जना होम आइसोलेसनमा रहेका छन् भने १ हजार ३३४ जना संस्थागत आइसोलेसनमा रहेको मन्त्रालयले जनाएको छ ।००००
